1:11 AM

Sabi dito sa orasan ng laptop ko ay 1:11nu na. Ibig sabihin 1:11nu ko sinimulang isulat itong blog entry na ito. Sa oras, minuto at sandaling ito, nagpapasalamat ako kay Jerrie. Tinitingnan ko ang mga litratong kinunan namin ni Jerrie noong Mayo 8, 2006 (Lunes). Mga kuha sa Chowking sa bagong gusali sa kanto ng Araneta Ave. at Quezon Ave. May katabi rin itong Starbucks na dalawang beses na naming pinuntahan ni Jerrie. Mga kuha ng tarpauline ng MMDA Metro Guwapo, na talagang sinadya kong kunan dahil magagamit namin ito sa pagtuturo ng Pan Pil 12 (Text Mo / Text Ko).

Salamat Jerrie sa malaking Toblerone, sa magasin, at sa biloy mong laging nagpapangiti sa akin.