Apartment sa Dapitan

Thursday, March 23, 2006

Aniban ng mga Manunulat at Artista para sa Demokrasya (AMADO)

Dumalo kami nina Mang Jun, Om at Gerald sa unang round table discussion tungkol sa "Writers' Commitment" na pinasimunuan ng AVHRC sa pamamagitan rin ng pagbubuo ng grupo ng mga manunulat at artista, ang AMADO o Aniban ng mga Manunulat at Artista para sa Demokrasya.

Okay naman ang una sa serye. Nagsalita kami ni Mang Jun at ng isang taga-National Union of Journalists in the Philippines (NUJP). Naging mabunga naman ang talakayan. Magaling rin mag-facilitate ng talakayan sina Potty, Luchi at JPaul. Sayang at hindi na nakaabot si Makoy kasi 4:30pm ang labas niya sa trabaho. At bad trip din kasi na-dead batt ako, kaya di na ako nakareply sa mga textmate ko.

Ideal para sa lugar (Datelines, Shoe Expo, Cubao) ang humigit-kumulang na 20 katao, kaya medyo intimate ang atmosphere at madaling magkarinigan. Nakakahilo lang ang ilaw at medyo mainit. Pero salamat sa Datelines, na kahilera ng Bellini's, na maasim ang pasta kasi Italian e!

* * *

Habang isinusulat ko ito ay dalawang malalaking daga at dalawang medyo may kalakihang daga ang namamasyal sa sala at kusina. Ngayon ay kasalukuyan silang nagtataob ng mga kaldero. Bumili ang nanay ko ng basurahan na may mahigpit na takip kaya di na napupuntirya ng "mababait."

* * *

Kung interesado kayong sumanib sa AMADO, narito ang ilang tala mula sa concept paper ng AMADO:

AMADO

"Napapanahong magbuo ng grupo ng mga manunulat na naniniwala sa "commited writing" at ang kahalagahan ng sining sa pagmulat ng kaisipan. Gaya ng naging tugon ni Amado Hernandez sa kanyang panahon, naging panulat niya ang buhay at pakikibaka ng mga manggagawa at masang anakpawis. Sa panitikan ni Ka Amado, tinalakay ang mga isyung bumabalot sa lipunang Pilipino na angkop pa rin hanggang ngayon.

"Sa panahon ng matinding krisis, dapat pasiglahin ang panitikang nagtatalakay sa tunay na kalagayan ng mamamayan. Matapang na harapin ng mga manunulat ang mahalagang papel ng sining sa pagpapalalim ng kamulatan ng mamamayan tungkol sa kaniyang paligid at ano ang epekto nito sa kanya."

Layunin ng AMADO
1. Pasiglahin ang ugnayan at pagkakaisa ng mga artista at manunulat sa mga manggagawa at taga-komunidad tungkol sa mga napapanahon usapin

2. Makatulong ang mga artista at manunulat sa pagbabahagi ng kaalaman at kasanayan hinggil sa paglikha ng sining

AMADO Activities
1. Panulat at Pagkamulat -- Pag-iikot sa mga komunidad at pagawaan
2. Palihan para sa Sambayanan
3. PublikAKSYON
4. Round Table Discussion
5. Online Cultural Magazine
6. Partisipasyon sa mga Proyekto ng Amado V. Hernandez Resource Center (AVHRC)

0 Comments:

Post a Comment

<< Home