1 p 2la 2ngkl s St8 of Emrgnc

1017
Mykel Andrada

Sa numerology, ang 1017
Ay ang bilang Siyam.
1 + 0 + 1 + 7 = 9.
Ang numerong ito
Ang pinaka-aligaga
Sa lahat ng mga bilang.
Malaki’t mabigat ang ulo,
Ngunit walang laman;
Payat at hindi matatag
Ang nag-iisang
Binting baluktot;
Maliit ang paa;
Nahihirapang humanap
Ng balanse;
Hindi kayang tumayo
Ng bilang na tagibang;
Laging nakaamba
Ang pagbagsak.

(Sa lotto,
Ang bilang na ito
Ang huling numerong
magpapatalo sa iyo.)